கொடைக்கானல், கொடைக்கானலில்உள்ள பூம்பாறை முருகன் கோயிலில் உள்ள முருகன் நவபாஷாண சிலையை பாதுகாக்க வேண்டும். சிலைகள் பற்றிய ஆய்வில் ஐ.ஜி., பொன் மாணிக்கவேல் ஈடுபட வேண்டும் என, இந்து மக்கள்கட்சி மாநிலபொது செயலாளர் ராமரவிகுமார் தெரிவித்தார்.அவர் கூறியதாவது: ஸ்ரீரங்கம்கோவிலுக்கு சென்றதிமுக., செயல் தலைவர் ஸ்டாலின் நெற்றியில் வைத்த பொட்டை அழித்து மதஉணர்வுகளை புண்படுத்தியுள்ளார். இதற்கு அவர் மக்களிடம்மன்னிப்பு கேட்க வேண்டும். மானமுள்ள இந்துக்கள் திமுக.., வில் இருந்து வெளிவர வேண்டும். துாத்துக்குடி ஸ்டெர்லைட் கலவரத்திற்கு காரணமானவர்களே சேலம் எட்டு வழிச்சாலைக்கும் எதிராக போராட்டத்தை துாண்டுகின்றனர். அவர்களை அரசாங்கம் இரும்புக்கரம் கொண்டு அடக்கவேண்டும். பூம்பாறை முருகன் கோவிலில் நவபாஷாண சிலையை முறையாக பாதுகாக்க வேண்டும். சிலைகள் பற்றிய விசாரணையில் ஐ.ஜி., பொன் மாணிக்கவேல் தொடர வேண்டும், என்றார்.