* விழிப்புடன் இருப்பவரின் வீட்டில் திருட்டு நடக்காது. அது போல விழிப்புடன் இருக்கும் மனதில் தீய எண்ணம் நுழையாது.
* எல்லா மனிதர்களிடமும் கடவுள் இருக்கிறார். ஆனால் கடவுளிடத்தில் எல்லா மனிதர்களும் இல்லை. இதுவே சிக்கலுக்கு எல்லாம் காரணம்.
* சூரிய உதயத்திற்கு முன்பு வெண்ணெய் கடைவது போல இளமைக்காலமே ஆன்மிகத் தேடலுக்கு ஏற்றது.
* உலக ஆசைகளில் நடுவில் இருந்து கொண்டே மனதை அடக்கி ஆள்பவனே உண்மை வீரன்.
* பெண்களை உன் தாயாக கருது. அவர்களின் முகத்தைப் பார்க்காதே;  பாதங்களை மட்டும் பார். பாவ எண்ணம் தோன்றாது.
மற்றவர் குறைகளை பற்றி பேச விரும்புபவன், விலைமதிப்பற்ற காலத்தை வீணாக்குகிறான்.
* கடவுளை வெளியில் தேடுவது அறியாமை. உனக்குள்ளே அவர் இருப்பதை உணர்வதே ஞானம்.
* உன்னுடைய மதத்தில் ஆழ்ந்த நம்பிக்கை கொள். அதற்காக மற்றவர் மீது வெறுப்பு கொள்ளாதே.
* பாம்பும் அதன் மேல்சட்டையும் வெவ்வேறானவை. அது போல ஆன்மாவும், உடலும் வெவ்வேறானவை.
* பழங்கள் நிறைந்த மரம் கனத்தினால் தாழ்ந்து வளையும். நீ பெருமை அடைய விரும்பினால் அடக்கத்தோடும், பணிவோடும் இரு. – எச்சரிக்கிறார் குருதேவர்