நடுவீரப்பட்டு: நடுவீரப்பட்டு பிரத்தியங்கராதேவிக்கு பங்குனி மாத அமாவாசையை முன்னிட்டு நிகும்பலா யாகம் நடந்தது. நடுவீரப்பட்டு நரியன்ஓடை கரையில் உள்ள பாதாளகாளி மற்றும் பிரத்தியங்காரதேவி கோவிலில் நேற்று பங்குனி மாத அமாவாசையை முன்னிட்டு, நிகும்பலாயாகம் நடந்தது. பூஜையை முன்னிட்டு நேற்று மதியம் 1:00 மணிக்கு பிரத்தியங்கராதேவி மண்டபத்தில் கலசம் ஸ்தாபனம் செய்யப்பட்டு, யாகவேள்விகள் ஆரம்பிக்கப்பட்டது.

மதியம் 2:30 மணிக்கு யாகத்தில் மிளகாய் வற்றல்கள் கொட்டப்பட்டு நிகும்பலாயாகம் நடந்தது. அதனை தொடர்ந்து மகா பூர்ணாஹூதி நடந்து யாகவேள்வியில் வைக்கப்பட்ட கலசம் ஆலய உலாவாக வந்து, பிரத்தியங்கராதேவிக்கு கலச அபிேஷகம் நடந்தது. மதியம் 3:00 மணிக்கு பாதாளகாளிக்கு சிறப்பு அபிேஷக ஆராதனைகள் நடந்து 3:30 மணிக்கு மகா தீபாராதனை நடந்தது. விழாவில் ஏராளமான பக்தர்கள் கலந்து கொண்டு சுவாமியை வழிபட்டனர். விழாவிற்கான ஏற்பாடுகளை ஆலய நிர்வாகி அறிவழகன் குருக்கள் செய்திருந்தார்.