சாயல்குடி: சாயல்குடி செட்டியார் தெரு மாரியம்மன் கோயில் கும்பாபிஷேக விழா நடந்தது. ஏப்.,4 (திங்கள்)ல் கணபதி ஹோமம், அனுக்ஞை உள்ளிட்ட முதல்கால யாகசாலை பூஜைகள் நடந்தது.

நேற்று காலை 6:30 மணிக்கு நிறைவு கால வேள்விக்கு பின் மாரியம்மன் உள்ளிட்ட பரிவார மூர்த்திகளின் கோபுர கலசங்களில் புனித நீர் ஊற்றி குருக்கள் கும்பாபிஷேகம் செய்தனர்.மூலவருக்கு 18 வகையான அபிஷேக ஆராதனைகள் செய்யப்பட்டு சந்தனக்காப்பு அலங்காரத்தில் காணப்பட்டார்.அன்னதானம் நடந்தது. மாலை 5:00 மணிக்கு பெண்கள் சுந்தரவிநாயகர் கோயிலில் இருந்து பூத்தட்டு ஏந்தி நகர் வலம் வந்த மாரியம்மனுக்கு பூச்சொரிதல் விழாவில் வழிபாடு செய்தனர். ஏற்பாடுகளை விழாக்குழுவினர் செய்திருந்தனர்.