திருக்கோவிலூர் :திருக்கோவிலூர் கீழையூர் வீரட்டானேஸ்வரர் கோவிலில் திருக்கல்யாண வைபவம் நடந்தது. திருக்கோவிலூர், கீழையூர் வீரட்டானேஸ்வரர் கோவிலில் மாசிமகப் பெருவிழா கடந்த 27ம் தேதி கொடியேற்றத்துடன் துவங்கியது. விழாவின் முக்கிய நிகழ்ச்சியாக நேற்று முன்தினம் இரவு திருக்கல்யாண வைபவம் நடந்தது. இதனையடுத்து காலை 9 மணிக்கு உற்சவ மூர்த்திகளுக்கு மகா அபிஷேகம் நடந்தது. இரவு 8 மணிக்கு சிவானந்தவள்ளி சமேத வீரட்டானேஸ்வரர் திருக்கல்யாண வைபவம் நடந்தது. இரவு 10 மணிக்கு அலங்கரிக்கப்பட்ட முத்துபந்தலில் சுவாமி எழுந்தருளி வீதியுலா நடந்தது. இதில் ஏராளமான பக்தர்கள் கலந்து கொண்டனர். இன்று இரவு பாரிவேட்டை, குதிரை வாகனத்தில் சுவாமி வீதியுலா நடக்கிறது. நாளை காலை 7 மணிக்கு மேல் 8.30 மணிக்குள் தேரோட்டம் துவங்குகிறது. இந்நிகழ்ச்சியில் டத்தோ சோமசுந்தரம், லோகநாயகி மற்றும் நகர முக்கியஸ்தர்கள் கலந்து கொள்கின்றனர். விழா ஏற்பாடுகளை இந்துசமய அறநிலையத்துறை மற்றும் பக்தர்கள் முன்னின்று செய்து வருகின்றனர்.