மானாமதுரை: சிவகங்கை மாவட்டம் மானாமதுரையில் நவராத்திரியை அலங்கரிக்க விற்பனைக்கு வந்த மண் கொலுபொம்மைகளை பல்வேறு பகுதிகளிலிருந்து பலர் வந்து வாங்கி செல்கின்றனர்.

மானாமதுரை குலாலர் தெருவில் 300க்கும் மேற்பட்ட குடும்பங்கள் மண்பாண்ட தொழிலில் ஈடுபட்டு வருகின்றனர். ஆண்டு தோறும் சீசனிற்கு தகுந்தாற் போல் மண்ணால் ஆன பொருட்களை தயார் செய்துவருகின்றனர். பல்வேறு வகை பொருட்களை கலைநயத்துடன் தயாரித்து வருவதால் தமிழகத்தின் பல பகுதிகளிலிருந்தும் வியாபாரிகள், மக்கள் மானாமதுரை வந்து வாங்கிச் செல்கின்றனர். செப். 29ந் தேதி தேதி நடைபெற உள்ள நவராத்திரி விழாவிற்காக சுவாமி சிலைகள்,திருப்பதி பிரம்மோற்ஸவ சிலைகள், தலைவர்கள், தியாகிகள் சிலைகள், பறவைகள் மற்றும் விலங்கு பொம்மைகள், ஆண்டாள் பொம்மை என கொலுவில் வைக்கப்படும் அனைத்து பொம்மைகளும் தயார் செய்யப்பட்டு மானாமதுரை மண்பாண்டகூட்டுறவு சங்கத்தில் விற்பனைக்கு வைக்கப்பட்டுள்ளன.