கோவில்பாளையம்:கோவில்பாளையம், காலகாலேஸ்வரர் கோவிலில் நாளை சூரசம்ஹாரம் நடக்கிறது.கவுசிகாபுரி என்றழைக்கப்படும் கோவில்பாளையம் காலகாலேஸ்வரர் கோவில் பழமையானது. இங்கு கால சுப்பிரமணியர் சன்னிதியில், கடந்த மாதம், 28ம் தேதி கந்தசஷ்டி விழா துவங்கியது.தினமும் காலை, 9:00 மணிக்கு அபிஷேக பூஜை நடக்கிறது.

நாளை (2ம் தேதி) காலை 8:00 மணிக்கு மூலவருக்கு அபிஷேகம் நடக்கிறது. 11:00 மணிக்கு கரட்டுமேடு, ரத்தினபுரி கோவிலில் வேல் வாங்கும் நிகழ்ச்சி நடக்கிறது.பகல் 4:00 மணிக்கு, காலசுப்ரமணியர் எழுந்தருளி, தாரகாசூரனையும், சிங்கமுகாசூரனையும் சம்ஹாரம் செய்து, சூரபத்மனை ஏற்று, அருளுதல் நடக்கிறது. இரவு 7:00 மணிக்கு, சிறப்பு வேள்வியும், அபிஷேக பூஜையும், சுவாமி திருவீதியுலாவும் நடக்கிறது. வரும் 3ம் தேதி காலை 9:00 மணிக்கு, மூலவருக்கு அபிஷேகமும், வள்ளி தெய்வானை திருக்கல்யாணமும் நடக்கிறது. பின்னர் மயில்வாகனத்தில், வள்ளி, தெய்வானையுடன் சுப்ரமணியர் திருவீதியுலா நடக்கிறது.