செஞ்சி:செஞ்சிக்கோட்டை வீர ஆஞ்சநேயருக்கு தமிழ் புத்தாண்டை முன்னிட்டு வெண்ணை காப்பு அலங்காரம் செய்தனர்.செஞ்சிக்கோட்டையில் உள்ள வீர ஆஞ்சநேயர் கோவிலில் தமிழ்ப் புத்தாண்டை முன்னிட்டு நேற்று சிறப்பு அபிஷேகம் மற்றும் வெண்ணை காப்பு அலங்காரம் செய்தனர். சென்னையை சேர்ந்த பக்தர்களும், செஞ்சி பீரங்கிமேடு இளைஞர்கள் சார்பிலும் பிரசாத விநியோகம் செய்தனர்.இதே போல் செஞ்சி செல்வ விநாயகர் கோவிலில் சிறப்பு அபிஷேகம் செய்தனர்.

செல்லபிராட்டி லலிதா செல்வாம்பிகை கோவில், சிங்கவரம் ரங்கநாதர் கோவில், கிருஷ்ணாபுரம் சுந்தரவிநாயகர் கோவில்களிலும் அதிகாலையில் சிறப்பு அபிஷேகமும், சிறப்பு பூஜைகளும் நடந்தன.லட்ச தீப விழா: விழுப்புரம் ஆஞ்சநேயர் கோவிலில் நேற்று லட்சதீப விழா நடந்தது .விழாவையொட்டி வெள்ளி கவசத்தில் அலங்கரிக்கப்பட்ட மூலவர் பக்தர்களுக்கு அருள் பாலித்தார்.நேற்று காலை முதல் ஆஞ்சநேயர் சுவாமிக்கு கோவில் வளாகத்தில் ஏராளமான பக்தர்கள் நெய் தீபங்கள் ஏற்றி வழிபட்டனர்.