புதுச்சேரி: அகில உலக கிருஷ்ணா மந்தீர், 9 வது ஆண்டாக, பூரி ஜெகந்நாதர் ரத யாத்திரை நடந்தது. புதுச்சேரி கூடப்பாக்கம், பத்துக்கண்ணு மெயின்ரோட்டில் உள்ள அகில உலக கிருஷ்ணா மந்தீர் சார்பில், 9 ம் ஆண்டு பூரி ஜெகந்நாதர் ரத யாத்திரை, காந்தி வீதி வரதராஜ பெருமாள் கோவிலில் துவங்கியது. அஜந்தா சிக்னல், அண்ணா சாலை, நேரு வீதி, மீண்டும் காந்தி வீதி வழியாக முத்தியால்பேட்டை தென்கலை சீனிவாச பெருமாள் கோவிலை அடைந்தது. ரத யாத்திரை நிகழ்ச்சியில் ஏராளமானவர்கள் கலந்து கொண்டனர்.