பழநி : மாசித் திருவிழாவை முன்னிட்டு, பழநி மாரியம்மன்கோயிலுக்கு 2,007 பக்தர்கள் பால்குடம் எடுத்து நேர்த்திக்கடன் செலுத்தினர்.

பழநி வ.உ.சி.,மன்ற தலைமையகம் சார்பில் பாண்டிய வேளாளர் மடத்தில் இருந்து 2,007 பாற்குடங்கள் எடுத்து நகர முக்கிய வீதிகளில் ஊர்வலமாக சென்றனர்.பழநி சித்தனாதன் சன்ஸ் சிவனேசன் தலைமை வகித்தார். கிழக்கு ரத வீதி மாரியம்மன் கோயிலில் உச்சிக்காலத்தில் அம்மனுக்கு பாலாபிஷேகம் நடந்தது. மாலையில் அம்மனுக்கு அன்னத்தில் கார்த்தியாயினி அலங்காரம் செய்து வழிபாடு செய்தனர். இரவில் உற்சவசாந்தி விழா நடந்தது.அம்மனுக்கு சிறப்பு அபிஷேகம், தீபாராதனை செய்து, அன்னதானம் வழங்கப்பட்டது. விழாவில் சிந்தனாதன் சன்ஸ் பழனிவேல், தனசேகரன், செந்தில்குமார், கார்த்திகேயன், சரவணபொய்கை கந்தவிலாஸ், பாஸ்கரன், அ.தி.மு.க., நகர செயலாளர் முருகானந்தம், சுவாமி விலாஸ் முருகேசன், சாய் கிருஷ்ணா மருத்துவமனை சுப்புராஜ், 64 மிராஸ் பண்டாரங்கள், முன்னாள் நகர்மன்ற தலைவர் உமாமகேஸ்வரி, மகளிரணி இந்திரா, வ.உ.சி தலைமை மன்ற தலைவர் சிவக்கொழுந்து, செயலாளர் சுப்பிரமணி, பொருளாளர் சுந்தர் உள்பட நிர்வாகிகள் பங்கேற்றனர்.