திருவள்ளூர்: திருவள்ளூர் தீர்த்தீஸ்வரர் கோவிலில், பங்குனி பிரம்மோற்சவம், கொடியேற்றத்துடன் நேற்று துவங்கியது.

திருவள்ளூர் தீர்த்தீஸ்வரர் கோவிலில், இந்த ஆண்டிற்கான பங்குனி பிரம்மோற்சவம், நேற்று கொடியேற்றத்துடன் துவங்கியது. முன்னதாக, நேற்று முன்தினம், விக்னேஸ்வரர் பூஜை நடந்தது.நேற்று, காலை, 7:30 மணிக்கு கொடியேற்றப்பட்டு, 8:00 மணிக்கு சப்பரத்தில் புறப்பாடும், இரவு சிம்ம வாகனத்தில் புறப்பாடும் நடைபெற்றது. நாளை, 21ம் தேதி மஹா பிரதோசத்தை முன்னிட்டு, இரவு, 7:00 மணிக்கு அதிகார நந்தி சேவை நடைபெறுகிறது.தொடர்ந்து, 12 நாட்கள் நடைபெற உள்ள பிரம்மோற்சவத்தில், தினமும், காலை, மாலை, திரிபுரசுந்தரி சமேத தீர்த்தீஸ்வரர், பல்வேறு அலங்காரங்களில் எழுந்தருளி, பக்தர்களுக்கு அருள்பாலிக்க உள்ளனர்.