திருவள்ளூர் : கொரோனா வைரஸ் தவிர்க்க, வீரராகவர் கோவிலில், அமாவாசை வரை, பக்தர்கள்தரிசனம் ரத்து செய்யப்பட்டுள்ளது. திருவள்ளூர். வீரராகவர் கோவிலில், ஒவ்வொரு அமாவாசை அன்றும், ஹிருதாப நாசினி குளத்தில் பக்தர்கள் நீராடி வழிபடுவர்.இந்த நிலையில், கொரோனா வைரஸ் முன்னெச்சரிக்கை நடவடிக்கையாக, கூட்டம் கூடுவதை தவிர்க்க, வீரராகவர் கோவிலில், இன்று காலை முதல், நாளை, 24ம் தேதி இரவு வரை, நடை சாற்றப்பட்டு, பக்தர்கள் தரிசனம் ரத்து செய்யப்படுகிறது.கோவிலில் வழக்கமான பூஜைகள் நடைபெறும் என்றும், பக்தர்கள் தரிசனம் செய்வதற்கு வர வேண்டாம் என்றும், கோவில் நிர்வாகத்தின் சார்பில் அறிவிக்கப்பட்டு உள்ளது.