உடுமலை: உடுமலை, குறிஞ்சேரி ஆண்டாள் நாச்சியார் கோவிலில் சித்ரா பவுர்ணமி சிறப்பு பூஜை நடந்தது.உடுமலை, அருகே குறிஞ்சேரியில் ஆண்டாள் நாச்சியார் கோவில் உள்ளது. சித்ரா பவுர்ணமியையொட்டி, நேற்று, ஆண்டாள் நாச்சியாருக்கு, பால், பன்னீர், மஞ்சள் உட்பட, 30 திரவியங்களில் சிறப்பு அபிேஷகம் நடந்தது. தொடர்ந்து, பச்சை பட்டுடுத்தி, சிறப்பு மலர் அலங்காரத்துடன், தீபாராதனை நடந்தது. அருகில், உள்ள பூமிலட்சுமி அம்பாளுக்கு, திரவிய அபிேஷகத்துடன், காப்பு சாற்றி, எலுமிச்சை பழ அலங்காரத்துடன் தீபாராதனை நடந்தது.* பொள்ளாச்சி கோட்டூர் ரோடு விண்ணளந்த காமாட்சி அம்மன் உடனமர் ஏகாம்பரேஸ்வரர் கோவிலில், சிறப்பு பூஜைகள் நடைபெற்றன.ஏகாம்பரேஸ்வரருக்கும், விண்ணளந்த காமாட்சி அம்மனுக்கும் திருக்கல்யாண உற்சவம் நடந்தது.இதுபோன்று, பொள்ளாச்சி மற்றும் சுற்றுப்பகுதியில் உள்ள கோவில்களில் சிறப்பு பூஜைகள் நடைபெற்றன. அர்ச்சகர்கள் மட்டும் பங்கேற்று பூஜைகளை நடத்தினர்.* வால்பாறை அண்ணாநகர் முத்துமாரியம்மன் கோவிலில் அபிேஷக பூஜையும், திருக்கல்யாணமும் நடந்தது. பக்தர்களுக்கு வீடு, வீடாக சென்று கோவில் நிர்வாகிகள் பிரசாதம் வழங்கினர்.