அவிநாசி: அவிநாசிலிங்கேஸ்வரர் கோவிலில், 10.50 லட்சம் ரூபாய், உண்டியல் காணிக்கையாக செலுத்தப்பட்டிருந்தது. கொங்கு மண்டலத்தில், பிரசித்தி பெற்ற, அவிநாசி லிங்கேஸ்வரர் கோவில் உண்டியல்களில், பக்தர்கள் செலுத்திய காணிக்கை எண்ணப்பட்டன. பேரூர் பட்டீஸ்வரர் கோவில் உதவி ஆணையர் ஹரிஹரன், செயல் அலுவலர் லோகநாதன், ஆய்வாளர் செல்வபிரியா முன்னிலை யில், உண்டியல்கள் திறக்கப்பட்டு காணிக்கை பணம் எண்ணப்பட்டன.அதில், 10 லட்சத்து 45 ஆயிரத்து 743 ரூபாய் ரொக்கம், 72 கிராம் தங்கம் மற்றும் 166 கிராம் வெள்ளி ஆகியவற்றை, பக்தர்கள் காணிக்கை செலுத்தியதாக, கோவில் நிர்வாகத்தினர் தெரிவித்தனர்.