சபரிமலை; ஆனி மாத பூஜைக்காக, நேற்று மாலை, சபரிமலை கோவில் திறக்கப்பட்டது. பக்தர்கள் இல்லாமல், கோவிலில் அமைதி நிலவியது.

சபரிமலை கோவிலில், ஆனி மாத பூஜைக்காக, நேற்று மாலை, 5:00 மணிக்கு நடை திறக்கப்பட்டது. மேல்சாந்தி சுதிர் நம்பூதிரி தீபம் ஏற்றினார். ஊழியர்களுக்கு பிரசாதம் வழங்கப்பட்டது. இரவு, 7:30 மணிக்கு நடை அடைக்கப்பட்டது. பக்தர்களுக்கு அனுமதி இல்லை என்பதால், கோவில் வெறிச்சோடி இருந்தது. இன்று அதிகாலை, 5:00 மணிக்கு நடை திறந்து, தந்திரி கண்டரரு மகேஷ் மோகனரரு அபிஷேகம் நடத்தினார். தொடர்ந்து, கணபதி ஹோமம், உஷ பூஜை, உச்ச பூஜை முடிந்து, காலை, 10:00 மணிக்கு நடை அடைக்கப்படும். மாலை, 5:00 மணிக்கு நடை திறந்து, 6:30 மணிக்கு, தீபாராதனை, 7:00 மணிக்கு அத்தாழ பூஜை முடிந்து, இரவு, 7:30 மணிக்கு நடை அடைக்கப்படும்.ஜூன், 19 வரை, தினமும் இதே முறையில், பூஜைகள் நடக்கும். அன்று இரவு, 7:30 மணிக்கு நடை அடைத்து, ஊழியர்கள் புறப்படுவர்.