பெண்ணாடம் : ஆனி மாத பிறப்பை முன்னிட்டு, பெண்ணாடம் அடுத்த புத்தேரி ேஷத்திரம், ஸ்ரீ தேவி, பூதேவி சமேத வரதராஜ பெருமாள் கோவில், செங்கமலத்தாயார் சுவாமிக்கு சிறப்பு வழிபாடு நடந்தது.

இதனை முன்னிட்டு, நேற்று காலை 10:00 மணியளவில் மூலவர் ஸ்ரீ தேவி, பூதேவி சமேத வரதராஜ பெருமாள் சுவாமிக்கு திருவாராதனம் நடந்தது. தொடர்ந்து, காலை 10:30 மணியளவில் கோவில் வளாகத்தில் உள்ள செங்கமலத்தாயாருக்கு பால், தயிர், சந்தனம், மஞ்சள், இளநீர் ஆகிய பொருட்களால் விசேஷ திருமஞ்சனம்; காலை 11:15 மணியளவில் மகா தீபாராதனை நடந்தது. தொடர்ந்து, உலக மக்கள் நலன் வேண்டியும்; கொரோனா பாதிப்பு குறையவும் சங்கல்பம் செய்யப்பட்டது.பூஜையின்போது, பக்தர்கள் இன்றி, அர்ச்சகர்கள் மட்டுமே பங்கேற்றனர். சமூக இடைவெளி பின்பற்றப்பட்டது.பூஜை ஏற்பாடுகளை, பஞ்சவடி, பஞ்சமுக ஆஞ்சநேயர் கோவில் தலைவர் கோதண்டராமன், புத்தேரி வரதராஜ பெருமாள் கோவில் தலைவர் மற்றும் பரம்பரை அறங்காவலர்கள் குழு தமிழ்மணி ராதாகிருஷ்ணன், ஆலய ஆலோசகர் ராதாகிருஷ்ணன் செய்திருந்தனர்.