சென்னை, சென்னையில், பிரசித்தி பெற்ற சிவாலயங்களில், விசேஷ சனிப் பிரதோஷ வழிபாடு, நேரலையாக, இன்று ஒளிபரப்பு செய்யப்படுகிறது.ஊரடங்கு காரணமாக, சென்னை, புறநகரில் உள்ள வழிபாட்டு தலங்களில், பக்தர்கள் தரிசன அனுமதி மறுக்கப்பட்டது.

இருப்பினும், பிரசித்தி பெற்ற கோவில்களின் நித்ய பூஜைகள், பிரதோஷ வழிபாடு ஆகியவை, நேரலையாக ஒளிபரப்பு செய்யப்பட்டு வருகின்றன.பிரதோஷங்களில் மிகவும் முக்கியமானது சனிப் பிரதோஷம். திரயோதசி திதியும், சனிக்கிழமையும் சேர்ந்து வருவது, சனிப் பிரதோஷம்.சிவபெருமான், தேவர்களை காப்பாற்ற, ஆலகால நஞ்சை உண்ட நாள் சனிக்கிழமை. எனவே, சனிப் பிரதோஷம், மிகவும் விசேஷமானதாக கருதப்படுகிறது.அதன் படி, இன்று நடக்கும் சனிப் பிரதோஷ நிகழ்ச்சிகள், நேரலையாக ஒளிபரப்பு செய்யப்படுகின்றன.மயிலாப்பூர், கபாலீஸ்வரர் கோவில் பிரதோஷ வழிபாட்டை http://www.youtube.com/c/MYLAPORE KAPALEESWARAR TEMPLE என்ற இணையதளத்தின் மூலம், இன்று மாலை, 4:30 மணிக்கு, நந்தி அபிஷேகமும், அதை தொடர்ந்து, பிரதோஷ நாயகர் அபிஷேகமும், நேரலையில் ஒளிபரப்பு செய்யப்படுகிறது.திருவொற்றியூர், தியாக ராஜ சுவாமி கோவிலில் https://www.youtube.com/c/ ThiagarajaswamyVadivudai yammanTemple Official என்ற இணையதளம் மூலம், இன்று மாலை, 4:00 மணிக்கு நந்தியம் பெருமான் அபிஷேகமும், தொடர்ந்து, பிரதோஷ நாயகர் அபிஷேகமும், நேரலையாக ஒளிபரப்பு செய்யப்படுகிறது.திருவேற்காடு, வேதபுரீஸ்வரர் கோவில் பிரதோஷ வழிபாட்டை, https://www.youtube.com/ watch?v=Tkb9h27QkPw என்ற YouTube channel என்ற இணையதளம் மூலம், இன்று மாலை, 4:30 மணி முதல் நேரலையாக ஒளிபரப்பு செய்யப்படுகிறது.