சிவ, பார்வதி இடையே தங்களில் யார் சக்தி மிக்கவர் என வாக்குவாதம் ஏற்பட்டது. ‛நானே உயர்ந்தவள்’ என வாதிட்டாள் பார்வதி. ‛‛சரி...நீயே உயர்ந்தவளாக இரு!’’ என்ற சிவன் அவளை உக்கிர காளியாக மாற்றி விட்டார். தாயுள்ளம் கொண்ட தனக்கு கோபம் வரும்படி ஆகி விட்டதே என வருந்திய பார்வதி விமோசனம் கேட்டாள். அதற்கு சிவன்,‘‘நீ வருந்த வேண்டாம். உலக நன்மை கருதி நடந்த திருவிளையாடலே இது. அரக்கர்களால் தேவர்களுக்கும், மனிதர்களுக்கும் துன்பம் ஏற்பட இருக்கிறது. நீ அவர்களை அழிக்க வேண்டும். பின், சிதம்பரத்திற்கு வந்து என்னை நோக்கி தவமிரு.  ஆனந்த நடனம் ஆட நடராஜர் என்ற பெயர் தாங்கி அங்கு வருவேன். அப்போது சிவகாமி என்ற  பெயருடன் என்னை அடைவாய்,’’என்றார். அதுவரை ‘தில்லைக்காளி’ என்ற பெயரில் சிதம்பரத்தில் அமர்ந்தாள்.
 கேட்ட வரம் கிடைக்க  தில்லைக்காளிக்கு நல்லெண்ணெய் அபிஷேகம், வெள்ளை வஸ்திரம் அணிவித்தல், குங்கும அர்ச்சனை செய்து வழிபடுகின்றனர். ஞாயிறன்று ராகு காலம், பவுர்ணமி, அமாவாசை நாட்களில் சிறப்பு பூஜை நடக்கும். மகம் நட்சத்திரத்திற்கு அதிதேவதை என்பதால், மகத்தில் பிறந்தவர்கள் இங்கு அதிகளவில் வழிபடுகின்றனர்.             
எப்படி செல்வது: சிதம்பரத்தில் இருந்து கடலுார் செல்லும் வழியில் ஒரு கி.மீ.
விசேஷ நாட்கள்: ஆடிவெள்ளி, ஆடி அமாவாசை, நவராத்திரி, மகாசிவராத்திரி             
நேரம்: காலை 6.30 –12:00, மாலை 4.30 – இரவு 8.30 மணி.            
தொடர்புக்கு: 04144 – 230 251      

« முந்தைய

அடுத்து »