புதுச்சேரி; ஒதியம்பட்டு காசி விஸ்வநாதர் கோவிலில், மகாளய அமாவாசை நிகழ்ச்சிகள் கொரோனா காரணமாக ரத்து செய்யப்படுவதாக கோவில் நிர்வாகம் தெரிவித்துள்ளது.புதுச்சேரி, ஒதியம்பட்டில் இருந்த திருக்காஞ்சி செல்லும் சாலையில் காசி விஸ்வநாதர் கோவிலில் மாசிமக தீர்த்தவாரி மற்றும் மகாளய அமாவாசை நாட்களில் கோவில் அருகேயுள்ள சங்கராபரணி ஆற்றில் புனித நீராடி முன்னோர்களுக்கு திதி கொடுத்து தரிசனம் செய்வது வழக்கம்.கொரோனா தொற்று பரவல் காரணமாக, கோவில்களில் விழாக்களை விமர்சையாக கொண்டாட அறநிலையத்துறை தடை விதித்துள்ளது. இதனால், வரும் 17 ம் தேதி மகாளய அமாவாசையொட்டி, காசி விஸ்வநாதர் கோவில் நிகழ்ச்சிகள் ரத்து செய்யப்பட்டுள்ளதாக கோவில் அறங்காவலர் குழு தலைவர் கார்த்திகேயன் தெரிவித்துள்ளார்.