இதையடுத்து கொரோனா தொற்று தடுப்பு வழிகாட்டுதல் நெறிமுறைகளின் பின்பற்றி விழா கொண்டாட கோவில் நிர்வாகம் தீர்மானித்தனர். இதையடுத்து கடந்த 7ம் தேதி விழாவின் கொடியேற்றம் நடந்தது. ஒன்றாம் தேர் திருநாளான 13ம் தேதி விசாலாட்சி சமேத விஸ்வநாதர் தேவ கணங்கள் கோவில் வளாகத்தினுள் எழுந்தருளும் நிகழ்ச்சி நடந்தது. இரண்டாம் தேர் திருநாளான 14ம் தேதி மந்தக்கரை மகா கணபதி கோவிலில் மூலவரின் எழுந்தருளும் நிகழ்ச்சி நடந்தது.

மூன்றாம் திருநாளான இன்று பழைய கல்பாத்தி லட்சுமி நாராயண பெருமாள் மற்றும் சாத்தபுரம் வசந்த மகா கணபதி ஆகிய கோவில்கள் மூவர்களின் சிறு பல்லக்கில் எழுந்தருளும் நிகழ்ச்சியும் நடைபெற்றன. பொதுவாக மூன்றாம் திருநாளன்று திரளான பக்தர்கள் முன்னிலையில் ரத் சங்கம் நடப்பது வழக்கம். இந்தாண்டு இச்சிறப்பு நடக்கவில்லை. முன்னதாக விழாவையொட்டி விழா கொண்டாடும் கோவில்களில் காஞ்சி காமகோடி பீட மடாதிபதி சங்கர விஜயேந்திர சரஸ்வதி சங்கராச்சாரியாரின் அறிவுரையின்படி வேதபாராயணம் நடந்தன. விழாவையொட்டி சாத்தபுரம் மஹாகணபதி கோவில் மூலவர் அஸ்வாரூடா வாகனத்தில் எழுந்தருளும் நிகழ்ச்சியும் கடந்த தினம் நடந்தன. விழாவையொட்டி கோவில்களில் சிறப்பு பூஜைகள் நடந்தன. பக்தர் கூட்டம் தவிர்த்து முழுக்க முழுக்க கொரோனா தடுப்பு வழிகாட்டுதல் நெறிமுறைகளை பின்பற்றி கோவில்களில் சடங்குகளாக மட்டும் விழா கொண்டாடினர்.