கடலூர் : கடலூர் அடுத்த சிங்கிரிக்குடி லட்சுமி நரசிம்மர் கோவில் கும்பாபிஷேகத்தில் ராஜகோபுரத்திற்கு  புனிதநீர் ஊற்றப்பட்டு, கும்பாபிஷேகம் சிறப்பாக நடைபெற்றது.

கடலுார் அடுத்த சிங்கிரிகுடியில் லட்சுமி நரசிம்மர் கோவில் உள்ளது. இங்கு, இரணியனை வதம் செய்த கோலத்தில் 16 கைகளுடன் உக்கிர நிலையில் நரசிம்ம பெருமாள் மேற்கு திசை நோக்கி பிரகலாதனுக்கு காட்சி தருவது தனிச்சிறப்பாகும். இந்து சமய அறநிலையத்துறை சார்பில் ஒரு கோடி ரூபாய் மற்றும் தனியார் பங்களிப்புடனும் கோவிலில் திருப்பணிகள் நடந்து முடிந்த நிலையில், 2ம் தேதி காலை 7:00 மணிக்கு மகா சாந்தி ேஹாமம், அஷ்டபந்தன மருந்து சாற்றுதல் நடக்கிறது. நேற்று 3ம் தேதி காலை 7:00 மணிக்கு கும்பாராதனம், 9:00 மணிக்கு சிறப்பு திருமஞ்சனம் நடைபெற்றது. இன்று காலை 5:00 மணிக்கு யாத்ரா தானம், பூர்ணாஹூதி, 9:15 மணிக்கு மேல் 10:45 மணிக்குள் கும்பாபிஷேகம் நடைபெற்றது. மாலை 6:00 மணிக்கு திருக்கல்யாண உற்சவம் நடக்கிறது.