பழநி: மாசி மாதப்பிறப்பை முன்னிட்டு, பழநி முருகன் கோயில் மற்றும் உபகோயில்களில் யாகபூஜை, சிறப்பு வழிபாடுகள் நடந்தது.

பழநி முருகன் மலைக்கோயிலில் மாசி மாதப் பிறப்பை முன்னிட்டு, ஆனந்த விநாயகருக்கு கும்பகலசங்கள் வைத்து, கணபதி ஹோமத்துடன், யாகபூஜை நடந்தது. விநாயகருக்கு புனித கலசநீரில் அபிஷேகம் செய்து, லட்டு படைத்து, வெள்ளிக்கவச அலங்காரத்தில், தீபாராதனை நடந்தது. திருஆவினன்குடிகோயில், பெரியநாயகியம்மன் கோயில், லட்சுமி நாராயணப்பெருமாள் கோயில், பெரியாவுடையார் கோயில் ஆகிய இடங்களில் பெருமாள், அம்மன், சுவாமிக்கு அபிஷேகம், அலங்காரத்தில் பூஜைகள் நடந்தது.