ஒட்டன்சத்திரம் : மகாசிவராத்திரியை முன்னிட்டு வலையபட்டி மகாலட்சுமி அம்மன் கோயிலில் பக்தர்கள் தலையில் தேங்காய் உடைத்து நேர்த்திக் கடனை நிறைவேற்றினர்.

ஒட்டன்சத்திரம் ஒன்றியம் வலையபட்டி கிராமத்தில் ராயர்குல வம்சம் குரும்பா இன மக்களுக்கு சொந்தமான மகாலட்சுமி அம்மன் கோயில் உள்ளது. இங்கு ஆண்டுதோறும் மகாசிவராத்திரி உற்சவம் கொண்டாடுவது வழக்கம்.சிவராத்திரிக்கு அடுத்த நாள் வரம் கேட்பவர்களுக்கு தலையில் தேங்காய் உடைத்து நேர்த்திக் கடன் செலுத்தும் விழா நடந்தது. 25 க்கும் மேற்பட்ட பக்தர்களின் தலையில் பரம்பரை பூஜாரி பூச்சப்பன் தேங்காய் உடைத்து நேர்த்திக்கடனை நிறைவேற்றி வைத்தார்.நேற்று காலை பரம்பரையாளர்கள் தலையில் தேங்காய் உடைக்கப்பட்டு சக்தி பெறப்பட்டது. அம்மனுக்கு சிறப்பு பூஜைகள் நடந்தது. திரளான பொதுமக்கள் அம்மனை வழிபட்டனர்.