பொள்ளாச்சி: பொள்ளாச்சி சத்யசாய் சேவா சமிதி சார்பில், கொரோனா தொற்றினால் தனிமைப்படுத்தப்பட்ட குடும்பங்களுக்கு மதிய உணவு இலவசமாக வழங்கும் திட்டம் செயல்படுத்தப்படுகிறது. இதற்காக, பொள்ளாச்சி சாய் மதுரம் கோவிலில், உணவு தயாரிக்கப்பட்டு, பேக்கிங் செய்து நகர் பகுதியில் உள்ள குடும்பங்களுக்கு வினியோகம் செய்யப்படுகிறது. இப்பணியில் சத்யசாய் சேவா சமிதியை சேர்ந்தவர்கள் ஈடுபட்டுள்ளனர். அமைப்பினர் கூறியதாவது:பொள்ளாச்சி நகராட்சி பகுதிகளில், தொற்றால் தனிமைப்படுத்தப்பட்ட குடும்பங்களுக்கு ஏழு நாட்களுக்கு, மதிய உணவு வேண்டுபவர்கள், 97875 86727, 70103 69761 என்ற மொபைல்போன் எண்ணுக்கு தொடர்பு கொள்ளலாம். இவ்வாறு, அமைப்பினர் தெரிவித்தனர்.