மதுரை: காஞ்சி மகாபெரியவரின் ஜெயந்தி அனுஷ நட்சத்திரவிழா மதுரை ஸ்ரீகாமகோடி மடத்தில் நடந்தது. மடத்தில் மகா பெரியவர், ஆதி சங்கரர் விக்ரகங்களுக்கு அபிஷேக ஆராதனைகள், ருத்ரஜபம் நடைபெற்றன. கொரோனா ஒழிந்து மக்கள்நலம் பெற்றிட சிறப்பு பூஜை செ ய்யப்பட்டது.

எழுத்தாளர் இந்திரா சௌந்தர்ராஜன் குருமகிமை என்ற தலைப்பில் காணொலி மூலம் சொற் பொழிவாற்றினார். அவர் பே சியதாவது:மகா பெரியவர்தேவாரத்தில் இடம் பெற்றுள்ள விடம் தீர்த்த பதிகத்திற்கு பொருள் கூறியுள்ளார் .ஒன்று இரண்டு மூன்று என்று  பத்துவரையிலான எண்களை பட்டியலிட்டு, அந்த எண்களுக்கும் சிவபெருமானுக்குமான தொடர்பை அவர் விவரித்த விதம் அசாதாரணமானதாகும். இந்த பதிகத்தை வாசித்தால் விஷக்காய்ச்சல், விஷப்பூச்சிகளால் பாதிக்கப்பட்டவர்களுக்கான பாதிப்பு குறையும். பெரியவரின் பாதுகைகள் இன்றும் நுாற்றுக்கணக்கானோர் இல்லங்களில் பூஜிக்கப்பட்டு வருகிறது. பாதுகை வீட்டில் இருப்பது பெரியவரே நம்மோடு வசிப்பது போன்றதாகும். இவ்வாறு இந்திரா சௌந்தர்ராஜன் பேசினர்