பொள்ளாச்சி: பொள்ளாச்சி மற்றும் சுற்றுப்பகுதியில் உள்ள கோவில்களில், ஆனி மாத பிரதோஷத்தையொட்டி சிறப்பு பூஜைகள் நடைபெற்றன.பொள்ளாச்சி ஜோதிநகர் விசாலாட்சி உடனமர் ஜோதிலிங்கேஸ்வரர் கோவிலில், பிரதோஷத்தையொட்டி, ஜோதிலிங்கேஸ்வரர் மற்றும் நந்திகேஸ்வரருக்கு அபிேஷகம் உள்ளிட்ட பூஜைகள் நடைபெற்றன.

ராமலிங்க சவுடாம்பிகை அம்மன் கோவிலில், ராமலிங்கேஸ்வரருக்கு சிறப்பு அபிேஷகம், அலங்கார பூஜைகள் நடைபெற்றன. சிறப்பு அலங்காரத்தில் ராமலிங்கேஸ்வரர் அருள்பாலித்தார். மாகாளியம்மன் கோவிலில், ருத்ரலிங்கேஸ்வரர் மற்றும் நந்தி பகவானுக்கு சிறப்பு அபிேஷகம், அலங்கார ஆராதனை நடந்தது. சிறப்பு அலங்காரத்தில் ருத்ரலிங்கேஸ்வரர் அருள்பாலித்தார்.திப்பம்பட்டி பூங்கா நகர் மலையாண்டீஸ்வரர் கோவிலில், சிறப்பு அபிேஷகம், அலங்கார பூஜைகள் நடைபெற்றன. கொரோனா தொற்று நீங்கி, மக்கள் உடல் ஆரோக்கியம் பெற சிறப்பு வழிபாடு நடந்தது.பொள்ளாச்சி சுப்ரமணிய சுவாமி கோவில் மற்றும் சுற்றுப் பகுதிகளில் உள்ள கோவில்களில், பிரதோஷ சிறப்பு பூஜைகள் நடைபெற்றன. ஊரடங்கு காரணமாக, பக்தர்கள் தரிசனத்துக்கு அனுமதி வழங்கவில்லை.வால்பாறைவால்பாறை சுப்ரமணிய சுவாமி கோவில் வளாகத்தில், எழுந்தருளியுள்ள காசிவிஸ்வநாதர் சன்னதியில், நேற்று மாலை,5:00 மணிக்கு ஆனி மாத பிரதோஷ பூஜை நடந்தது.முன்னதாக, சிவபெருமானுக்கு பால், தயிர், பன்னீர், மஞ்சள்,இளநீர், தேன், சந்தனம், திருநீறு, குங்குமம், பஞ்சாமிர்தம், அரிசி மாவு உட்பட, 16 வகையான அபிேஷக பூஜை நடந்தது. அதன் பின், காசிவிஸ்வநாதருக்கு சிறப்பு அலங்கார பூஜை நடந்தது.