சென்னை-திருவல்லிக்கேணி தீர்த்தபாலீஸ்வரர் கோவில் பாதுகாப்பு நடவடிக்கைகள் குறித்து, அறநிலையத்துறை அமைச்சர் சேகர்பாபு, எம்.எல்.ஏ., உதயநிதி ஸ்டாலின் ஆகியோர் ஆய்வு செய்தனர்.சென்னை, திருவல்லிக் கேணியில், தீர்த்தபாலீஸ்வரர் கோவில் அமைந்துள்ளது. இக்கோவிலில், 17ம் தேதி, உண்டியலை திருட வந்த மர்ம நபர்களால், காவலர் பாபு என்பவர் கடுமையாக தாக்கப் பட்டு, மருத்துவ சிகிச்சை பலனின்றி, 20ம் தேதி இறந்தார்.இதையடுத்து, கோவிலில் பக்தர்களுக்கான வசதிகள், பாதுகாப்பு நடவடிக்கைகள் குறித்து, அறநிலையத்துறை அமைச்சர் சேகர்பாபு, தொகுதி எம்.எல்.ஏ., உதயநிதி ஸ்டாலின் ஆகியோர் நேற்று ஆய்வு மேற்கொண்டனர்.உள்கட்டமைப்பு பணிகளை உடனடியாக முடிக்க, அலுவலர் களுக்கு அமைச்சர் உத்தரவிட்டார்.ஆய்வின்போது, அறநிலையத்துறை கமிஷனர் குமரகுருபரன், இணை கமிஷனர் ரேணுகாதேவி உள்ளிட்டோர் கலந்து கொண்டனர்.