திருக்கோஷ்டியூர்: திருக்கோஷ்டியூர் சவுமியநாராயணப் பெருமாள் கோயிலில் பவித்ர உற்சவம் நிறைவடைந்தது.

இக்கோயிலில் ஆவணி மாதம் பவித்ர உற்சவம் 3 நாட்கள் நடைபெறும். கோயிலினுள் பிரவேசிப்பவர்கள் செய்த தவறுகளுக்கு இறைவனிடம் பிராயச்சித்தம் செய்வதாக ஐதீகம். ஆக.18 காலை 10.00 மணிக்கு 108 கலச அபிசேகம் நடந்து உற்ஸவம் துவங்கியது. தொடர்ந்து பெருமாளுக்கும், தேவியருக்கும்  அபிசேகம் நடந்தது. பின்னர் மாலையில் யாகசாலை பூஜைகள் நடந்தன. இரண்டாம் நாளில் காலை பெருமாளுக்கு பவித்ர மாலை சாத்துதல் நடைபெறும். நிறைவு நாளில் நவகலச அபிசேகமும்,மாலையில் பெருமாள் தேவியருடன் புறப்பாடு தென்ன மரத்து வீதியில் நடந்தது. பின்னர் யாகசாலையிலிருந்து கடங்கள் மூலஸ்தானத்திற்கு புறப்பாடாகி உற்ஸவம் நிறைவடைந்தது.