ஆனைமலை : ஆனைமலை, மாசாணியம்மன் கோவிலில், உண்டியல்கள் திறக்கப்பட்டு எண்ணப்பட்டதில், 23.97 லட்சம் ரூபாய் காணிக்கை வசூலானது.

ஆனைமலை மாசாணியம்மன் கோவிலில், நேற்று, நிரந்தர மற்றும் தட்டுக்காணிக்கை உண்டியல்கள் திறக்கப்பட்டு, பக்தர்கள் செலுத்திய காணிக்கை எண்ணப்பட்டது.நிரந்தர உண்டியல்களில், 20.33 லட்சம் ரூபாய்; தட்டுக்காணிக்கை உண்டியல்களில், 3.64 லட்சம் ரூபாய் வசூலானது. பக்தர்கள் நேர்த்திக்கடனாக செலுத்திய, 138 கிராம் தங்கம் மற்றும் 300 கிராம் வெள்ளி இருந்தது. மொத்தம், 23.97 லட்சத்து ரூபாய் காணிக்கை இருந்தது.மாசாணியம்மன் கோவில் உதவி ஆணையர் கருணாநிதி, உதவி ஆணையர் (சரிபார்ப்பு) கார்த்திக் ஆகியோர் தலைமையில் காணிக்கை எண்ணப்பட்டது.