* ராமநாதபுரம் மாவட்டம் திருப்புல்லாணி ஆதிஜகந்நாதர் கோயிலில் எட்டு யானை, எட்டு நாகம், ஆதிசேஷன் குடைபிடிக்க நின்ற கோலத்தில் சந்தான கோபாலர் அருள்பாலிக்கிறார். * திருநெல்வேலி மாவட்டம் அம்பாசமுத்திரம் வேணுகோபாலன் கோயிலில் கண்ணன் சிலை நேபாளத்தில் பாயும் கண்டகி நதியில் கிடைக்கும் சாளகிராமக் கல்லால் ஆனது. * கேரளா குருவாயூர் உன்னி கிருஷ்ணர் பாதாள அஞ்சனம் மூலிகையால் உருவாக்கப்பட்டவர். * குருவாயூர் உன்னி கிருஷ்ணன், அம்பலப்புழா கிருஷ்ணன், திருப்பணித்துரா வேணுகோபால சுவாமி மூன்று சிலைகளும் மகாவிஷ்ணுவால் உருவாக்கப்பட்டவை. இந்த மூன்று கோயிலிலும் பிரசாதம் பால் பாயாசம். * குஜராத் மோட்ச துவாரகையில் உள்ள கிருஷ்ணருக்கு மணிக்கு ஒருமுறை உடை மாற்றி அலங்காரம் செய்வர். இவருக்கு தினமும் 17 முறை நைவேத்யம் படைக்கப்படுகிறது. * குஜராத் பேட் துவாரகையில் உள்ள கிருஷ்ணர் கோயிலில் அர்ச்சகர் சேலை உடுத்தி, காலில் தண்டை அணிந்து பூஜை செய்கிறார்.
Subscription 
நேரடி ஒளிபரப்பு 
