ஸ்ரீவில்லிபுத்தூர்: ஸ்ரீவில்லிபுத்தூர் ஆண்டாள் கோவிலில் பகல் பத்து உற்சவம், பச்சை பரத்தலை ஆண்டாள், ரங்கமன்னார் பார்வையிடும் வைபவதத்துடன் துவங்கியது.

இதனை முன்னிட்டு நேற்று மாலை 4:35 மணிக்கு மூலஸ்தானத்தில் இருந்து ஆண்டாள், ரங்கமன்னார் புறப்பட்டனர். அவர்களை வேதபிரான் சுதர்சன் ஆடிப்பூர பந்தலில் எதிர்கொண்டு வரவேற்று,  திருமாளிகைக்கு (ஆண்டாள் பிறந்த வீடு) அழைத்து வந்தார். அங்கு பச்சை பரத்தலை பார்வையிட்ட ஆண்டாள், ரங்கமன்னாருக்கு சிறப்பு பூஜைகள் நடந்தது. பின்னர் கோயில் யானை முன் செல்ல, ராஜகோபுரம் வழியாக வடபத்ர சயனர் சந்நிதியில் உள்ள கோபால விலாச மண்டபத்தில் ஆண்டாள், ரங்கமன்னார் எழுந்தருளினர். அங்கு அரையர் சேவை. திருப்பல்லாண்டு, திருவாராதனம், கோஷ்டி நடந்தது. பின்னர் நள்ளிரவு 2:30 மணிக்கு ஆண்டாள், ரங்கமன்னார் மூலஸ்தானம் திரும்பினர். விழாவில் தக்கார் ரவிச்சந்திரன், செயல் அலுவலர் இளங்கோவன், கோவில் பட்டர்கள், பக்தர்கள் பங்கேற்றனர். ஜனவரி 12 வரை தினமும் காலை 10 மணிக்கு கோபால விலாசத்தில் பகல் பத்து உற்சவம் நடக்கிறது.