ஸ்ரீவில்லிபுத்தூர்: ஸ்ரீவில்லிபுத்தூரில் ஆண்டாள், ரெங்கமன்னார் திருக்கல்யாண திருவிழா மார்ச் 18 அன்று நடக்கிறது. மார்ச் 10 முதல் கொடியேற்றத்துடன் விழா துவங்குகிறது.

இக்கோவிலில் ஆண்டு தோறும் பங்குனி உத்திரத் திருநாளன்று ஆண்டாள், ரங்கமன்னார் திருக்கல்யாண உற்சவம் வெகு விமர்சையாக நடப்பது வழக்கம். இந்த ஆண்டும் வழக்கம்போல் விழா நடக்கிறது. இதனை முன்னிட்டு நாளை (மார்ச் 10) காலை 9:00 மணிக்கு மேல் 10:00 மணிக்குள் கொடியேற்றத்துடன் விழா துவங்குகிறது. மார்ச் 14 இரவு 8:00 மணிக்கு கருடசேவை, மார்ச் 18 காலை 6:00 மணிக்கு செப்பு தேரோட்டம், இரவு 7:00 மணிக்கு மேல் 8:00 மணிக்குள் ஆண்டாள், ரங்கமன்னார் திருக்கல்யாண உற்சவம், மார்ச் 22 மாலை 6:00 மணிக்கு வெள்ளிக்கிழமை குறடு மண்டபத்தில் புஷ்பயாகம் நடக்கிறது. இதற்காக கோவில் ஆடிப்பூர கொட்டகையில், பந்தல் அமைக்கும் பணி நடைபெற்று வருகிறது. விழா ஏற்பாடுகளை தக்கார் ரவிச்சந்திரன், அறநிலை துறை அலுவலர்கள், கோயில் பட்டர்கள் செய்துள்ளனர்.