அதையொட்டி 72 யாக குண்டங்கள் அமைக்கப்பட்டு 8 கால பூஜைகள் நடைபெறகிறது.  நேற்று முதல்கால யாகசாலை பூஜைக்காக அமிர்தகடேஸ்வரர் சன்னிதியில் ஆவாகனம் செய்யப்பட்ட கடங்கள் மாலை 6.30மணியவில்  தருமை ஆதீனம் 27 வது குருமகா சன்னிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள் முன்னிலையில் கடங்கள் புறப்பாட்டு யாகசாலைக்கு எழுந்தருளச்செய்து முதல்கால யாகசாலை பூஜைகள் தொடங்கியது. இரவு 9மணியளவில் 27வது குருமகா சன்னிதானம் முன்னிலையில் முதல்காலயாகசாலை பூஜைபூர்ணாஹுதிசெய்யப்பட்டு மகாதீபாராதனை நடந்தது. இதில் புதுச்சேரி அம்பலத்தாடும்  சுவாமிகள் திருமடம் 33 வது குருமகாசந்நிதானம் ஸ்ரீலஸ்ரீ கனகசபை சுவாமிகள், ரத்தினகிரி சுவாமிகள் பாலமுருகன் அடிமைகள், ஆதீன திருநாவுக்கரசு தம்பிரான், திருஞானசம்பந்ததம்பிரான்,மாணிக்கவாசகதம்பிரான் மற்றும் தம்பிரான்சுவாமிகள், சென்னை மகாலட்சுமி, ஆதீன கோயில்களின் மேலாளர் மணி உட்பட திரளான பக்தர்கள் கலந்து கொண்டனர். முன்னதாக தருமை ஆதீனம் 27வது குருமகா சன்னிதானம் நிருபர்களிடம் கூறுகையில் வரும் மார்ச் 27 ம் தேதி ஞாயிற்றுக்கிழமை தசமி திதி உத்திராடம் நட்சத்திரம் அமிர்த யோகம் ரிஷப லக்னத்தில் காலை 10 மணி முதல் 11:30 மணிக்குள் மகா  கும்பாபிஷேகம் நடைபெறவுள்ளது அதையொட்டி  72 யாக குண்டங்கள் அமைக்கப்பட்டு 8 கால பூஜைகள் நடைபெறகிறது.

120 வேத விற்பன்னர்கள் 27 திருமுறை ஓதுவார்கள் திருமுறை பாராயணம், அபிராமி அந்தாதி பாராயணம், மிரித்திங்கா ஜெபம் ஆகியவைநடக்கிறது.  முக்கியஸ்தர்கள், பக்தர்கள், எந்த ஒரு இடையூறும் இன்றி வழிபாடு செய்ய நடவடிக்கை மேற்கொள்ளப்பட்டுள்ளது. மாவட்ட எஸ்.பி.சுகுணாசிங் தலைமையில் பாதுகாப்பு ஏற்பாடுகளும், அடிப்படை வசதிகளான கழிப்பறை குடிநீர் உள்ளிட்டவைகளும், மேலும் ஒவ்வொரு பணிக்காக ஒவ்வொரு குழுவினர் நியமிக்கப்பட்டுள்ளனர். பொதுமக்கள் அனைவரும் கும்பாபிஷேக விழாவில் கலந்துகொண்டு இறையருள் பெறலாம் என்றார்.