உளுந்துார்பேட்டை: உளுந்துார்பேட்டை அடுத்த கிளியூர் கிராமத்தில் மாரியம்மன் கோவில் தேர் திருவிழா நடந்தது. விழாவையொட்டி கடந்த 17ம் தேதி காப்பு கட்டுதலுடன் விழா துவங்கியது. 8 நாட்கள் இரவு உற்சவம் நடந்தது. 9ம் நாளான நேற்று காலை 10:00 மணிக்கு சுவாமி சிறப்பு அலங்காரம் செய்யப்பட்டு தேரில் வீதியுலா நடந்தது. தேரினை பக்தர்கள் வடம் பிடித்து இழுத்தனர். விழாவில் ஆயிரக்கணக்கானோர் பங்கேற்றனர். மாலை 6:00 மணிக்கு நல்ல த ண்ணீர் குளக்கரையில் இருந்து அக்னி கரகம் ஊர்வலமாக கோவிலை சென்றடைந்தது. இரவு 7:30 மணியளவில் ஆடுகளுக்கு அலகு குத்தி செடல் உற்சவம் நடந்தது. இன்று 26ம் தேதி மஞ்சள் நீராட்டுடன் விழா நிறைவு பெறுகிறது.