புதுச்சத்திரம்: புதுச்சத்திரம் அருகே அங்காளம்மன் கோவிலில் ஊஞ்சல் உற்சவம் நடந்தது. புதுச்சத்திரம் அடுத்த சேந்திரக்கிள்ளை அங்காளம்மன் கோவிலில், மாதந்தோறும் அமாவாசையை முன்னிட்டு ஊஞ்சல் உற்சவம் நடப்பது வழக்கம். இம்மாத உற்சவம் நேற்று முன்தினம் நடந்தது. அதையொட்டி அன்று மாலை 6.30 மணிக்கு அம்மனுக்கு சிறப்பு அபிஷேக ஆராதனை நடந்தது. இரவு 9.00 மணிக்கு அம்மன் சிறப்பு அலங்காரத்தில் அலங்கரிக்கப்பட்டு, தாலாட்டுபாடி ஊஞ்சல் உற்சவம் நடந்தது.