பொள்ளாச்சி: பொள்ளாச்சி மற்றும் சுற்றுப்பகுதியில் உள்ள கோவில்களில், சங்கடஹர சதுர்த்தி விழா நடந்தது. பொள்ளாச்சி, ஜோதிநகர் விசாலாட்சி அம்மன் உடனமர் ஜோதிலிங்கேஸ்வரர் கோவில் மற்றும் சுற்றுப்பகுதியில் உள்ள கோவில்களில், விநாயகருக்கு சிறப்பு அபிேஷக, அலங்கார பூஜைகள் நடைபெற்றன.மகாலிங்கபுரம் சக்தி விநாயகர் கோவிலில் மாலை, 5:00 மணிக்கு ேஹாமம், 5:30 மணிக்கு அபிேஷகம், மாலை, 6:30 மணிக்கு அலங்கார பூஜையும் நடைபெற்றது. திரளான பக்தர்கள் பங்கேற்று விநாயகப்பெருமானை வழிபாடு செய்தனர்.

திப்பம்பட்டி சிவசக்தி கோவிலில், சங்கடஹர சதுர்த்தியையொட்டி வலம்புரி விநாயகருக்கு அபிேஷகம், அலங்கார பூஜைகள் நடைபெற்றன.கொண்டேகவுண்டன்பாளையம் சர்க்கரை விநாயகர் கோவில், தெப்பக்குளம் ராஜகணபதி கோவில், மற்றும் சுற்றுப்பகுதியில் உள்ள கோவில்களில், சங்கடஹர சதுர்த்தியையொட்டி சிறப்பு பூஜைகள் நடைபெற்றன.
* வால்பாறை சுப்ரமணிய சுவாமி கோவிலில், வைகாசி மாதம் முதல் சங்கடஹர சதுர்த்தி பூஜையையொட்டி விநாயகருக்கு, நேற்று மாலை, 6:30 மணிக்கு சிறப்பு அபிேஷகம்; 7:00 மணிக்கு சிறப்பு அலங்கார பூஜை நடந்தது. பூஜையில் சுமங்கலி பாக்கியத்துக்கு பெண்கள் மஞ்சள் கயிறு மாற்றிக்கொண்டனர். சங்கடம் போக்கும் சங்கடஹர சதுர்த்தி பூஜையில் கலந்து கொண்ட பக்தர்களுக்கு பிரசாதம் வழங்கப்பட்டது.இதே போல் வால்பாறை நகர் மற்றும் எஸ்டேட் பகுதியில் உள்ள பல்வேறு கோவில்களில் நேற்று விநாயகருக்கு சிறப்பு பூஜைகள் நடந்தன.

உடுமலை: பவுர்ணமிக்கு அடுத்து வரும் நான்காம் நாள் சங்கடஹர சதுர்த்தியன்று, விரதமிருந்து விநாயக பெருமானை பக்தர்கள் வழிபடுகின்றனர்.உடுமலை சித்தி, புத்தி விநாயகர் கோவிலில், சிறப்பு பூஜைகள் நடைபெற்றது. இதே போல, உடுமலை பிரசன்ன விநாயகர் கோவில் மற்றும் சுற்றுப்பகுதி கிராமங்களிலும், விநாயகர் கோவிலில், சிறப்பு பூஜைகள் நடந்தது.