விருத்தாசலம், : ஆவணி மாத முதல் கிருத்திகையையொட்டி, விருத்தாசலம் முருகர் கோவில்களில் சிறப்பு வழிபாடு நடந்தது.விருத்தாசலம் விருத்தகிரீஸ்வரர் கோவிலில் வள்ளி தெய்வானை சமேத சண்முக சுப்ரமணியர் சுவாமி, 28 ஆகம சன்னதியில் உள்ள குமரேஸ்வரர் சுவாமிகளுக்கு சிறப்பு அபிேஷக ஆராதனை நடந்தது. மாலை சந்தனக்காப்பு அலங்காரத்தில் சுவாமி அருள்பாலித்தார்.

மணவாளநல்லுார் கொளஞ்சியப்பர் கோவிலில் சித்தி விநாயகர், சுவாமிக்கு 12 வகையான பொருட்களால் சிறப்பு அபிேஷகம், சந்தனக்காப்பு அலங்காரம் நடந்தது. மாலையில் ராஜ அலங்காரத்தில் சுவாமி அருள்பாலித்தார். திருச்செந்துார், பழனி, சுவாமிமலை உள்ளிட்ட முருகன் கோவிலுக்கு செல்லும் பக்தர்கள் மாலை அணிந்து, விரதம் துவங்கினர். கருவேப்பிலங்குறிச்சி சாலையில் உள்ள வேடப்பர் கோவிலில் சுவாமிக்கு சிறப்பு வழிபாடு நடந்தது. ஏராளமானோர் தரிசனம் செய்தனர்.