நாகப்பட்டினம்: நாகையில் பிரசித்திப் பெற்ற பழமையான, பூமி நீளா ரெங்கநாயிகா சமேத கஸ்தூரி ரெங்கநாத சுவாமி கோவில் கும்பாபிஷேகத்தில் திரளான பக்தர்கள் பங்கேற்று சுவாமி தரிசனம் செய்தனர்.

நாகை அடுத்த பாப்பாக்கோவிலில், பல நூற்றாண்டுகள் பழமையான பிரசித்திப் பெற்றபூமி நீளா ரெங்கநாயிகா சமேத கஸ்தூரி ரெங்கநாத சுவாமி கோவில் அமைந்துள்ளது. இக்கோவில் கும்பாபிஷேக நிகழ்ச்சி, கடந்த 4 ம் தேதி தேதி, பகவத் அனுக்ஞை, விஷ்வக் சேன பூஜை, சோம வாஸ்து ஹோமம் திக்பந்தனத்துடன் துவங்கியது. நேற்று கோ பூஜை,5 ம் காலம், துவார,கும்ப மண்டல பிம்ப அக்னி சதுஸ்தான பூஜைகள், கடம் புறப்பாடையடுத்து விமானங்கள், ராஜகோபுரம், பூமி நீளா ரெங்கநாயிகா சமேத கஸ்தூரி ரெங்கநாத விமானங்களுக்கு புனிதநீர் ஊற்றப்பட்டு கும்பாபிஷேகம் நடந்தது. நிகழ்ச்சியில் திரளான பக்தர்கள் பங்கேற்று சுவாமி தரிசனம் செய்தனர்.