விழுப்புரம்: விழுப்புரம் மாவட்டத்தில் பதுக்கி வைக்கப்பட்டு இருந்த, பழங்கால வெண்கலச் சிலைகளை, போலீசார் மீட்டுள்ளனர்.

விழுப்புரம் மாவட்டம், பொம்மையார்பாளையம் என்ற பகுதியில், கன்னிகா கார்டன் என்ற இடத்தில் உள்ள, மெட்டல் கிராப்ட்ஸ் என்ற கைவினை பொருட்கள் விற்பனை செய்யும் கடை உள்ளது.இங்கு சட்ட விரோதமாக, பழங்கால சிலைகள் பதுக்கி வைக்கப்பட்டு இருப்பதாக, மாநில சிலை கடத்தல் தடுப்பு பிரிவு டி.ஜி.பி., ஜெயந்த் முரளிக்கு தகவல் கிடைத்தது. இதையடுத்து, ஐ.ஜி., தினகரன் தலைமையிலான போலீசார் நேற்று, அந்த கடையில் சோதனை செய்தனர்.அப்போது, அங்கு பதுக்கி வைக்கப்பட்டு இருந்த, அர்த்தநாரீஸ்வரர், சிவகாமி அம்மன், கிருஷ்ணர் மற்றும்மயில் உட்பட ஏழு பழங்கால வெண்கலச் சிலைகளை பறிமுதல் செய்தனர்.கடையின் உரிமையாளர் ராமச்சந்திரன், 42 என்பவரிடம் விசாரித்து வருகின்றனர்.