செஞ்சி: செஞ்சி திருவண்ணாமலை ரோடு ராஜ செல்வ விநாயகர் கோவில் மகா கும்பாபிஷேகம் நாளை நடைபெறுகிறது. செஞ்சி திருவண்ணாமலை ரோடு பி.டி.ஓ.. ஆபிஸ் எதிரில் உள்ள ராஜசெல்வ  விநாயகர் மற்றும் நவகிரக கோவில் மகா கும்பாபிஷேகம் நாளை நடைபெற உள்ளது. இதை முன்னிட்டு இன்று பகல் 12 மணிக்கு நவகிரக சிலைகள் கரிக்கோல ஊர்வலமும், மாலை 5 மணிக்கு கணபதி  பூஜை, வாஸ்து சாந்தி, பிரவேசபலி, நவகிரக ஹோமம் மற்றும் முதல் கால ஹோமமும் நடைபெற உள்ளது. இரவு 10 மணிக்கு ராஜ செல்வ விநாயகர் மற்றும் நவகிரக சிலைகள் பிரதிஷ்டையும்  நடைபெற உள்ளது. நாளை ( 7ம் தேதி) காலை 6 மணிக்கு கோ பூஜை, தம்பதி பூஜை, 108 மூலிகைகளால் இரண்டாம் கால ஹோமமும், 8.30 மணிக்கு மகாபூர்ணஹுதியும், தொடர்ந்து கடம் புறப்பாடும் 8.45  மணிக்கு மகா கும்பாபிஷேகமும் நடைபெற உள்ளது. ஒன்பது மணிக்கு மகா அபிஷேகம் மற்றும் மகா தீபாராதனை நடைபெற உள்ளது.