சிங்கம்புணரி: சிங்கம்புணரி சேவுகப்பெருமாள் ஐயனார் கோயில் புரவி எடுப்பு விழா நடந்தது. இப்பகுதியில் விவசாயம் செழிக்க வேண்டி கிராமத்தார்கள் சார்பில் வருடம் தோறும் புரட்டாசி மாதம் புரவி எடுப்பு விழா நடத்துவது வழக்கம். இந்தாண்டு புரவி எடுப்பு விழா நேற்று நடந்தது. புரவி பொட்டலில் இருந்து பக்தர்கள் சந்திவீரன் கூடத்துக்கு ஊர்வலமாக மண் புரவியை சுமந்து வந்தனர். சேவுகப்பெருமாள் கோயிலில் இருந்து வெண்கலப்புரவியும் சந்திவீரன் கூடத்திற்கு கொண்டு வரப்பட்டு இரண்டு புரவிகளுக்கும் வழிபாடு செய்யப்பட்டது. தொடர்ந்து இரண்டு புரவிகளும் சேவுகப்பெருமாள் கோயிலுக்கு ஊர்வலமாக எடுத்துச் செல்லப்பட்டது. வழிநடிலும் பக்தர்கள் அர்ச்சனை செய்து வழிபட்டனர்.