பாலமேடு: பாலமேடு அருகே செம்பட்டி வரம்தரும் ஆதிஜோதி முருகர் கோயிலில் கந்த சஷ்டி துவக்கத்தை முன்னிட்டு சிறப்பு பூஜைகள் நடந்தது. நேற்று மாலை வள்ளி தெய்வானை சமேத சுவாமிக்கு சிறப்பு அபிஷேக ஆராதனைகள் செய்தனர். சிறப்பு அலங்காரத்தில் சுவாமி பக்தர்களுக்கு அருள்பாலித்தார். சோழவந்தான் தென்கரை அகிலாண்டேஸ்வரி சமேத மூலநாத சுவாமி கோயிலில் வள்ளி, தேவசேனா சமேத சுப்பிரமணிய சுவாமிக்கு பக்தர்கள் காப்பு கட்டுதலுடன் விழா துவங்கியது. அக்.,30 மாலை 3:30 மணிக்கு அன்னை பராசக்தியிடம் வேல் வாங்கும் நிகழ்ச்சியும், 4:00 மணிக்கு மேல் 6:00 மணிக்குள் கோயில் முன்பாக சூரசம்கார விழா நடைபெறுகிறது.