கோவை: உக்கடம் கோட்டைமேடு பூமி நீளா நாயிகா சமேத கரிவரதராஜப் பெருமாள் கோவிலில் கும்பாபிஷேக விழா சிறப்பாக நடைபெற்றது.

கோவை கோட்டைமேடு பகுதியில் பூமி நீளா நாயிகா சமேத கரிவரதராஜ பெருமாள் கோவில் உள்ளது. இக்கோவிலில் கும்பாபிஷேகம் நடத்த முடிவு செய்யப்பட்டு திருப்பணிகள் நடந்து வந்தது. திருப்பணிகள் முடிந்ததை தொடர்ந்து இன்று காலை கோபுர கலசத்திற்கு பட்டாச்சாரியார்கள் புனித நீர் ஊற்ற கும்பாபிஷேகம் சிற்பாக நடைபெற்றது.  முன்னதாக 14ம் தேதிகாலை 8.30 மணிக்கு லட்சுமி ஹயக்ரீவ ேஹாமம், பூர்ணாகுதி பூஜைகளும், 10.40 மணிக்கு மேல் மூலவர் விமானம் மற்றும் சாளஹார விமான கலச பிரதிஷ்டை நடைபெற்றது. 15ம் தேதி முதல் கால யாக சாலை பூஜை, மூலமூர்த்திகளுக்கு அஷ்டபந்தன மருந்து சாற்றுதல் நிகழ்ச்சிகள் நடைபெற்றது. நேற்று 16ம் தேதி காலை 8.30 மணிக்கு மூன்றாம் கால யாக பூஜையும், மாலை 6 மணிக்கு நான்காம் கால யாக பூஜையும் நடைபெற்றது. இன்று காலை 9.30 மணிக்கு மேல் 10.30 மணிக்குள் அனைத்து சன்னதிகள் மற்றும் சாளஹார கோபுரங்களில் மகா சம்ப்ரோக்ஷனம் எனப்படும் கும்பாபிஷேக நிகழ்ச்சிகள் சிறப்பாக நடைபெற்றது. திரளான பக்தர்கள் கலந்து கொண்டு தரிசனம் செய்தனர். மாலை 6 மணிக்கு திருக்கல்யாண உற்சவம், இரவு 8 மணிக்கு பெருமாள் திருவீதி புறப்பாடு நடக்கிறது.