பண்ருட்டி: பண்ருட்டி திருவதிகை சரநாராயண பெருமாள் கோவிலில் சம்வத்சர உற்சவம் நடந்தது.

பண்ருட்டி அடுத்த திருவதிகை சரநாராயண பெருமாள் கோவிலில் கும்பாபிஷேகம் நடந்து 7ம் ஆண்டு பூஜை (சம்வத்சர உற்சவம்) நேற்று முன்தினம் 28ம் தேதி துவங்கியது. மாலை 4;00 மணிக்கு முதல்கால ஹோமம் நடந்தது. நேற்று காலை 8:00 மணி 2ம் கால யாகசாலை பூஜை, மகாசாந்தி ஹோமம் நடந்தது. 9:00 மணிக்கு உற்சவர் பெருமாளுக்கும், ஸ்ரீதேவி, பூமிதேவி, தாயாருக்கு சிறப்பு திருமஞ்சனம் நடந்தது. காலை 11:30 மணிக்கு மகா பூர்ணாஹூதி, தீபாராதனை செய்து, தீர்த்த பிரசாதம் வழங்கப் பட்டது. திரளான பக்தர்கள் சுவாமி தரிசனம் செய்தனர்.