ஆண்டிபட்டி: ஆண்டிபட்டி காளியம்மன் கோயில் கும்பாபிஷேகத்திற்குப் பின் 48 நாள் மண்டல பூஜை நிறைவை முன்னிட்டு சிறப்பு பூஜைகள் செய்யப்பட்டது. இக்கோயில் கும்பாபிஷேகம் பிப்ரவரி 10ல் நடந்தது. கும்பாபிஷேகத்திற்கு பின் 48 நாட்கள் அம்மனுக்கு அபிஷேக ஆராதனைகள், பக்தர்களுக்கு பிரசாதம் வழங்கப்பட்டு வந்தது. மண்டல பூஜை நிறைவு நாளை முன்னிட்டு நேற்று யாகசாலை பூஜைகள் மகாபூர்ணாஹூதி, மகா தீபாராதனை நடந்தது. அம்மனுக்கு பால், சந்தனம், பன்னீர் உட்பட பலவகை அபிஷேகம், சிறப்பு அலங்காரம் செய்து வழிபட்டனர். பல்வேறு கிராமங்களில் இருந்து ஏராளமான பக்தர்கள் பங்கேற்றனர்.