பங்குனி உத்திர தினத்தை முன்னிட்டு, நேற்று காலை, மூலவர் மற்றும் உற்சவருக்கு சிறப்பு அபிஷேகம் நடைபெற்று, பூக்களால் அலங்கரிக்கப்பட்டு தீபாராதனை நடந்தது. பின், உற்சவர் மங்கல வாத்தியம் முழங்க, முக்கியவீதிகளில் வலம் வந்து, பக்தர்களுக்கு காட்சியளித்து மீண்டும் கோவிலை அடைந்தார். இதில், சிங்கபெருமாள் கோவில், திருக்கச்சூர், திருத்தேரி உள்ளிட்ட பகுதிகளில் இருந்து, ஏராளமான பக்தர்கள்பங்கேற்று சுவாமி தரிசனம் செய்தனர்.

பெருக்கரணையில் தேரோட்டம்: சித்தாமூர் அருகே பெருக்கரணை கிராமத்தில், நடுபழநி மரகத தண்டாயுதபாணி திருக்கோவில் உள்ளது. இங்கு, 57ம் ஆண்டு பங்குனி உத்திர பெருவிழா நடந்தது. காலை 8.30 மணியளவில், தேரோட்டம் மற்றும் படிவிழா நடந்தது. இதில், பெருக்கரணை மற்றும் அதனை சுற்றியுள்ளகிராமங்களை சேர்ந்த ஏராளமான மக்கள் பங்கேற்று, வடம்பிடித்து தேர் இழுத்து சுவாமி தரிசனம் செய்தனர். முக்கிய நிகழ்வான காவடி எடுத்தல் நிகழ்ச்சி, இன்று காலை 8:30 மணிக்கு நடைபெறஉள்ளது.

எலப்பாக்கத்தில் பால் குடம் எடுத்தல்: அச்சிறுபாக்கம் அடுத்த எலப்பாக்கத்தில், வள்ளி, தேவசேனா உடனுறை சிவசுப்பிரமணிய சுவாமி கோவிலில், 35ம் ஆண்டு பால் குடம் எடுத்தல் பெருவிழா விமரிசையாகநடந்தது. நேற்று முன்தினம், காலை 7 மணிக்கு மங்கள இசையுடன், மஹா கணபதி, திருமுறை விண்ணப்பம் மற்றும் சுவாமிகள் ஊஞ்சல் சேவையுடன் திருவிழா துவங்கியது. பின், 200க்கும் மேற்பட்ட பெண் பக்தர்கள் பால்குடம் எடுத்தும், காவடி ஆடியும், முக்கிய வீதிகள்வழியாக வலம் வந்து கோவிலை அடைந்தனர்.

கூவத்துாரில் அம்பாள் திருக்கல்யாணம்: கூவத்துார் திருவாலீஸ்வரர் கோவிலில், பங்குனி உத்திர விழாவை முன்னிட்டு, நேற்று காலை, திருவாலீஸ்வரர், திரிபுரசுந்தரி அம்பாள், விநாயகர், முருகர் உள்ளிட்ட பரிவார மூர்த்திகளுக்கு சிறப்பு அபிஷேக வழிபாடு நடந்தது. தொடர்ந்து, மாலையில், சுவாமி, அம்பாள் திருக்கல்யாண உற்சவம் நடைபெற்றது.