பரமக்குடி: பரமக்குடி சுந்தரராஜ பெருமாள் கோயில் பங்குனி உத்திர திருக்கல்யாண விழாவில், 4 ம் நாளான நேற்று மாற்றுத் திருக்கோலத்தில் பெருமாள், தாயார் அருள் பாலித்தனர். இக்கோயிலில் திருக்கல்யாண விழா ஏப்., 5 அன்று காலை நடந்தது. அப்போது பட்டாச்சாரியார்கள் வேத மந்திரம் முழங்க, சுந்தரராஜ பெருமாள், சவுந்தரவல்லி திருக்கல்யாணம் நடத்தி வைத்தனர். தொடர்ந்து இரண்டு நாட்கள் ஊஞ்சல் சேவையில் அருள்பாலித்தனர். நேற்று இரவு 7:00 மணிக்கு சுந்தரராஜ பெருமாள் தாயார் திருக்கோலத்திலும், சவுந்தரவல்லி தாயார் பெருமாளாகவும் மாற்றுத் திருக்கோலத்தில் அருள் பாலித்தனர். இன்று காலை அபிஷேக ஆராதனைகளும், இரவு பூ பல்லக்கில் ஸ்ரீதேவி, பூதேவி தாயாருடன் பெருமாள் வீதி வலம் வருகிறார்.