கோவை: கோவை, அவிநாசி சாலையிலுள்ள பழமையான தண்டுமாரியம்மன் கோவில் திருவிழாவின், முக்கிய நிகழ்ச்சியான, அக்னிச்சாட்டு விழா இன்று மாலை நடக்கிறது.தண்டுமாரியம்மன் கோவில் சித்திரை திருவிழா, துவங்கி நடைபெற்று வருகிறது. இன்று மாலை 6:30 மணிக்கு, அக்னிச்சாட்டு நிகழ்ச்சி நடக்கிறது. இதில், கோவை சிகரம் பம்பை உடுக்கை குழுவினரின், பம்பை உடுக்கை கலை நிகழ்ச்சி நடக்கிறது. தொடர்ந்து, அக்னி கம்பத்தை சுற்றி நடனமாடும் நிகழ்ச்சி நடக்கிறது. நாளை மாலை 6:30 மணிக்கு, திருவிளக்கு வழிபாடு நிகழ்ச்சி நடக்கிறது. அன்று திருவிளக்கு வழிபாடும், வெள்ளி சிம்ம வாகனத்திலும், வரும் 22ல் குதிரை வாகனத்திலும், 23ல் சிம்மவாகனத்திலும் அம்மன் திருவீதி உலா வந்து, பக்தர்களுக்கு அருள்பாலிக்கிறார்.