மானாமதுரை: மானாமதுரை அருகே எஸ்.கரிசல்குளம் கிராமத்தில் உள்ள கேட்ட வரம் தரும் முத்துமாரி அம்மன் கோவிலில் மண்டலாபிஷேக விழாவில் திரளான பக்தர்கள் பங்கேற்று சுவாமி தரிசனம் செய்தனர்.

மானாமதுரை அருகே எஸ் கரிசல்குளம் கிராமத்தில் உள்ள கேட்ட வரம் தரும் முத்துமாரியம்மன் கோவிலில் கடந்த மாதம் ஜூலை.1ம் தேதி கும்பாபிஷேகம் நடைபெற்றது.இதனை தொடர்ந்து நேற்று நடைபெற்ற மண்டலாபிஷேக விழாவிற்காக காலை அம்மனுக்கு சிறப்பு அபிஷேக, ஆராதனைகள் நடைபெற்றன. இதனைத் தொடர்ந்து கோவில் முன்பாக யாகம் வளர்க்கப்பட்டு புனித நீர் அடங்கிய கலசங்களை வைத்து பூஜிக்கப்பட்ட பின்னர் புனித நீரால் அம்மனுக்கு அபிஷேகம் செய்யப்பட்டு சிறப்பு அலங்காரம் செய்து தீபாராதனை நடைபெற்றது.விழாவில் எஸ். கரிசல்குளம் மற்றும் சுற்றுவட்டார பகுதிகளை சேர்ந்த ஏராளமான பக்தர்கள் கலந்து கொண்டனர். மண்டலாபிஷேக விழாவிற்கான ஏற்பாடுகளை கோயில் டிரஷ்டிகள் லெட்சுமணன்,ராக்கு,பாண்டி,போதும் பொண்ணு ஆகியோர் செய்திருந்தனர்.