வீரபாண்டி; ஆவணி பிறப்பையொட்டி லட்சுமி நரசிம்மர் கோவிலில் விஷ்ணுபதி புண்யகால பூஜை நடைபெற்றது. சேலம் விஷ்ணுபதி பூஜை கமிட்டி சார்பில் ஆவணி பிறப்பான இன்று, சேலம் ஜங்ஷன் அருகே போடிநாயக்கன்பட்டி லட்சுமி நரசிம்மர் கோவிலில் விஷ்ணுபதி புண்யகால பூஜை நடைபெற்றது. காலை, 5:00 மணிக்கு கணபதி யாகத்துடன் தொடங்கிய பூஜையில் சுதர்சன யாகம், தன்வந்திரி, மிருத்யுஞ்சய, பார்வதி சுயம்வரா உள்பட, 11 வகை யாகங்கள், வாஸ்து பூஜை செய்து பக்தர்களுக்கு பிரசாதம் வழங்கப்பட்டது. தொடர்ந்து மூலவர் லட்சுமி நரசிம்மர், தசாவதார பெருமாளுக்கு யாகத்தில் வைத்து பூஜித்த புனித நீரால் அபிஷேகம் செய்து சிறப்பு பூஜை செய்யப்பட்டது.